سر حياتنا وجودنا اية؟؟

انا عارف انا اتاخرت عليكم جدا جدا..بس بصراحة انا كل دة علشان انا مرضتش اكتب حاجة الا لما اكون واثق منها جدا وابقى متأكد منها وعلشان كدة اتاخرت عليكوا...بس معلش استحملونى بقى

ندخل فى الموضوع بقى

قبل ما نتكلم احنا نظبط نفسنا ازاى بنعرف حاجة مهمة جدا وهى انا موجود هنا لية؟؟

انا اتولد وجيت الحياة وبدأت اتعلم الحركة والكلام ثم ذهبت الى المدرسة والجامعة لأتتعلم وبعد ذلك سأعمل لاتى بالمال واتزوج وانفق على وعلى اولادى وزوجتى حتى يأتون الى الدنيا ويكبرون ويتعلمون ويمشون على نهج كل واحد يولد ثم تنتهى المدة بتاعتك وتروح ماطرح ما جيت.

نرجع تانى نقول احنا هنا بنعمل اية ؟؟

انا هقولك ان انت موجود هنا علشان حاجة اول مرة تسمعها ,,وهو انت عايش هنا علشان تبقى سعيد ..ومبسوط وتبقى حياتك زى الفل ..ولو انت عرفت تبقى سعيد فى الدنيا هيبقى جزائك ى الاخرة انك تبقى سعيد برضة

دى حاجة جديدة انك تبقى سعيد دى ...وانت قاعد تقول ازاى والقرأن بيقول يقول الله تعالى

( وما خلقت الجن والانس الا ليعبدون)

خلقت لعبادة رب السموات والارض ورب كل شئ ومليكة

يعنى انا خلقت للعبادة ازاى انت تقول بقى لكى تكون سعيد

هرد عليك واقولك ..انت لية معتقد ان السعادة مرتبطة عكسيا مع العبادة

دا العبادة جأت لكى تكون سعيدا

هتسأل وتقولى معقولة دا انا بتحرم من حاجت قدامى وبيفرض عليا ان اعمل حاجات يومية كل دة علشان ابقى سعيد...ازاى؟؟

مثال...

هقولك انا ازاى الاب لما يقول لأبنة اعمل كذا ومتعملش كذا هل بيقولوا كدة علشان اية؟؟؟اكيد علشان هو على صحتة وهيتعبة والاب مش عايز ابنة ياكل الحاجة دى علشان ابنة ميتعبش ويبقى سعيد دايما مع ان فى وجهة نظر الطفل انة لما ياكل الحاجة دى هيبقى سعيد وذلك لان الطفل نظرتة معرفتة بالحياة اقصر من والدية

ولله المثل الاعلى ربنا لما يقولنا على حاجة بيقولها لنا علشان احنا نبقى احسن ونبقى دائما فى سعادة رغم نظرتنا القاصرة اللى بننظر بيها للأمور ولان الانسان عندما ينظر الى ما يحتاجة هو فهو ينظر الى ما يحتاجة جسدة فقط

ولا ينظر الى روحة وما تحتاجة ..علشان كدة لما نزل التشريع نزلت علشان..احنا نبقى فى قمة السعادة اللى لا يشعر بها الاخرون ..من لا يمكلون هذا التشريع ...